Petróglifo Nº 1 de Quintáns

Afloramento granítico situado na parte baixa da alba nordeste do Alto de Quintáns. A rocha está orientada ao leste e mide 8,10 metros no seu eixo N-S e 7,20 no eixo L-O. Na parte norte da laxe obsérvase un motivo consistente en tres círculos concéntricos de 50 centímetros de diámetro con coviñas no máis interior. No resto da laxe aprécianse numerosos trazos semicirculares moi erosionados.