Petróglifo Nº 1 da Devesa de Rianxiño

Laxe con gravados rupestres situada nun pequeno outeiro da ladeira O do Monte da Pena.

A laxe mide 6,05 metros (NL-SO) e 2,80 (NO-SL). Presenta moitas diaclasas e sucos de canteiro, mais os gravados son ben visibles e concéntranse na metade N da rocha. Os motivos consisten en 4 círculos concéntricos comprendidos entre os 25 e 60 centímetros, dos cales, só 3 están completos. Da coviña central de 3 deles, parten varias liñas radiais. O resto dos motivos son todos círculos incompletos con coviñas no centro.