Mámoa Nº 5 do Monte Picoto

Conxunto de dez túmulos sitos en Burés, que constitúen a Necrópole do Monte Picoto. Están na divisoria entre os concellos de Dodro e Rianxo, e a uns centos de metros ao oeste das catro mámoas da Necrópole da Paradegua, sitas en Bexo (Dodro).

Este túmulo está moi cuberto de vexetación a pesar do cal é un dos mellor conservados. Mide 21,30 metros no eixo N-S e 17,50 metros no L-O. Ten unha altura de 1 metro. Presenta un burato de violación central que mide 3,80 metros (NO-SL) e 3,50 metros (NL-SO), cunha profundidade de 0,70 metros. Conserva varios chantos que están desprazados.