Desembocadura do rego Salgueirón

O rego Salgueirón, duns 2.200 metros de lonxitude, nace na Fonte Salgueirón e desemboca no río Ulla, xa no Porto de Cesures. Ao longo do seu percorrido ten asociados elementos que aproveitan as súas augas: o Lavadoiro da Curuxa, o Muíño de Infesta e o Lavadoiro da Chancela. No seu último treito, antes de xuntarse coas augas do Ulla, vai soterrado, véndose soamente no paso baixo a vía do ferrocarril.