Fonte e lavadoiro da Toxa

Localízase no lugar da Toxa e foi construído en 1949. A fonte está feita de pedra e ten dous canos metálicos que verten sobre unha pía rectangular de 90 centímetros de longo e 50 de ancho. A auga está canalizada cara o lavadoiro que está ao carón. A pía deste, tamén de pedra, mide 2,20 metros de longo e 2 metros de ancho e as lousas de lavar están colocadas en dous dos lados perpendiculares. 

No ano 2026, o Concello de Pontecesures rehabilitou este lavadoiro para recuperar o que sempre foi: un punto de encontro, conversa, traballo compartido e convivencia interxeracional. A actuación levouse a cabo segundo o proxecto e a dirección de obra do arquitecto Luis Gil Pita.