Cruceiro da Igrexa de San Pedro de Carcacía

Cruceiro do tipo de fuste e crucifixo, emprazado no cemiterio da Igrexa de San Pedro de Carcacía. Está formado por unha plataforma sobre o que se insere directamente o fuste que comeza e termina de forma cadrada e o resto ten as arestas chafranadas. O capitel é de forma cadrada e está decorado con cabezas de anxos con ás aos lados en cada unha das esquinas. Sobre o capitel hai un pequeno pedestal sobre o que se coloca a cruz de forma cuadrangular, arestas chafranadas e puntas dos brazos potenzadas. No anverso está a figura de Cristo crucificado con tres cravos, coroa de espiñas e pano de pureza no lado dereito. Sobre a cabeza hai unha cartela. No reverso a figura da Virxe colocada sobre unha peaña e cos brazos cruzados sobre o peito.