Capela do Santo Cristo da Luz de Pazos

No 1965 inaugurouse a capela anterior á actual, pagada polos veciños, e que estaba localizada nun pequeno outeiro preto do campo da festa, ao carón da N-550, e que substituía a outra aínda máis antiga.

A capela do 1965 viuse afectada polo que ían ser as obras de ampliación da N-550 que, finalmente, quedáronse na construción de beirarrúas. A construción da nova capela, cun deseño “similar” á antiga, foi costeada con subvencións solicitadas a través da asociación de veciños.