Praza de Abastos de Padrón

No lateral do Campo do Souto localízase a Praza de Abastos de Padrón, inaugurada en novembro do 1903. Primeiramente fíxose unha parte, para posteriormente estendela até o antigo matadoiro, tal como está na actualidade. Construída cunha estrutura aberta, con reixa, para conseguir unha boa ventilación e evitar posibles malos cheiros. A súa construción en 1903 substituíu á peixería vella, situada detrás da Fonte da Praza de Camilo José Cela.