Pazo da Casa do Concello de Padrón

Pazo do século XV reformado en 1794 en estilo neoclásico polo mestre Francisco Domínguez. A fachada presenta unha esfera do reloxo inglés e escudo pétreo representando o traslatio. Balcón corrido ao longo de toda a fronte, con plataforma de cantaría e varanda artística de ferro. Frontón enteiro con gárgolas, acroterios e espadana.

No salón de plenos hai unha imaxe de San Xoán Anteportam Latinam (vulgarmente coñecido como San Xoán do Raio) e un lenzo do século XIX, obra do pintor local Balsa de la Vega, representando ao frade e poeta medieval Juan Rodríguez del Padrón.