Praza do Fiado

Historicamente coñecida como Praza do Fiado, por ser o lugar onde nos días de mercado vendíase o liño, a estopa e as teas de confección. Tamén se vendían os utensilios cos que se traballaba os téxtiles. Desde o 16 de xullo de 1920 baixo a denominación actual de Praza de Macías O Namorado. A configuración actual da praza xurdiu tras o derrubamento de algunhas casas que ocupaban este espazo.

O trobador medieval Macías O Namorado dá o actual nome a esta praza. Macías O Namorado foi un trobador e poeta medieval galego, nado en Sande (Carcacía) no século XIV-XV, de familia nobre e educado nas letras e nas ciencias. Deixou moi novo Carcacía, a súa terra natal, para converterse en doncel de don Enrique de Aragón, momento no que coñeceu á que sería a súa amada. Viviu para un só amor e morreu dunha soa ferida, traxicamente, en Arjonilla (Xaén). Outorgáronselle, 21 poemas do Cancionero de Baena e unha lenda de namorado atrevido da que existen actualmente diversas crónicas coincidentes no seu desenlace.