Reloxo de sol de Imo

O hórreo localízase na horta pechada con muro de pedra pertencente á Casa de Cabanas, no nº 103. Situado na parte traseira dun hórreo de Imo, coñecido  como o Hórreo de Cabanas.

O reloxo, de esfera cadrada, é unha pedra de granito cuadrangular exenta, de formas sinxelas e rústicas. Asenta sobre un bloque de granito rectangular, o cal serve de remate do pinche. Conserva o gnomon, sendo este unha placa triangular. As liñas horarias apenas se perciben, ademais de polo desgaste da pedra, pola existencia de fungos na pedra. Mide 30 centímetros de alto e 30 de ancho. Reloxo de sol vertical ortomeridiano. Orientado ao sur.

Segundo a ficha de Patrimonio, dataría do ano de 1758, sendo o exemplar máis antigo da parroquia. Construído polos mesmos canteiros que construíron a igrexa parroquial. Parece que a sinxeleza de liñas e a ausencia de decoración o emparenta cunha moi antiga escola de canteiros que tivo como núcleo de espallamento Boiro.