Hórreo de Pexegueiro

Na finca que se estende detrás da casa á que pertence, correspondente co solar número 9 do núcleo.

A cimentación é unha repisa de cachotaría de granito, duns 40 centímetros de altura. Os soportes son tres cepas de pedra. Os tornarratos son pedras transversais sobre cada cepa. Ten dous claros, pechados con ladrillo, con porta de madeira pintada de vermello no lateral oeste. Lintel, columnas e cornixa de pedra. Penal dianteiro de pedra con porta de madeira pintada de vermello e penal traseiro tamén de pedra sen ventilación. Sobrepenas nos dous pinches, ambos de pedra. Cubrición de uralita e por riba tella do país. Remates: cruz latina alta de sección cuadrangular sobre base cuadrangular abocelada e este sobre escocia; e pináculo piramidal estilizado. Orientado ao NW.

No 2010, di a propietaria que debe ser antigo, que a súa nai, que morreu con oitenta e nove anos, comprou a casa (vivenda tradicional ) xa co hórreo.