Hórreo de Lestrobe

Na rúa do Medio.

A cimentación é un muro ou repisa de cachotaría de granito actualmente encintado con cemento, duns 95 centímetros de alto. Os soportes son catro cepas de pedra, tamén amalgamadas con cemento. O tornarratos é unha pedra transversal sobre cada cepa. Ten tres claros, con balaústres de madeira, pintada de verde, e dúas cintas. Porta de madeira no lateral leste. Linteis e columnas de pedra e cornixa de madeira. Penal frontal de pedra con porta de madeira e penal traseiro de pedra e  madeira, con balaústres deste último material. Pinches de madeira. Cubrición con tellas do país. Non conserva os remates. Orientado ao NE.

No 2010, a dona non cre que non chegue aos cen anos, aínda que por tipoloxía si que parece antigo. Podería datarse a comezos do século XX.