Hórreo da Igrexa

Nunha finca próxima á igrexa parroquial.

A cimentación non é visible, e os soportes son tres cepas de pedra. Un dos gabinetes ten un chan de cemento e está pechado con madeiras e malla metálica. O outro gabinete está sen pechar. Os tornarratos son pedras transversais sobre cada cepa. Ten dous claros, con balaústres de madeira e dúas cintas. Non ten linteis. Columnas de pedra e cornixa de madeira. Penal da fronte de pedra con porta de madeira e pinche tamén de madeira; penal traseiro de pedra e madeira con dúas cintas, co pinche en madeira. Cubrición de uralita (cambiouno o pai da actual propietaria haberá uns corenta anos). Non conserva os remates. Orientado ao NE.

No 2010, a irmá da actual propietaria (antes era dos seus pais) di que tería máis de cen anos, mais non ten documentación.