Eira de Lestrobe (5 hórreos)

No punto coñecido como Eira dos Hórreos, na parte alta da aldea.

Conxunto de 5 hórreos na zona alta do núcleo de Lestrobe. Os cinco hórreos que se conservan nesta eira están, ou ben modificados, ou ben restaurados. Todos están orientados ai NE. Dous destes hórreos foron rehabilitados, mentres que outro está moi modificado con respecto ao seu estado orixinal, faltándolle un claro e estando pechado con ladrillo. Outro está moi reformado tamén (é de cemento).

Parece que orixinalmente constaba esta eira de sete hórreos, conservándose actualmente cinco. Un deles, o máis grande (tres claros) foi desmantelado para facer un garaxe privado de cemento e ladrillo, e estaría localizado no ángulo NE da Eira. O outro tan só conserva o seu emprazamento, sendo visible restos correspondentes á repisa onde asentaba o hórreo.