Río da Arregañada

Espazo natural nas ribeiras do río da Arregañada, na que en menos dun quilómetro de distancia, atópanse pontellas (Pontella do Muíño de Riba e Pontella do Muíño Tellado) e muíños centenarios (Muíño de Riba, Muíño do Freixo, Muíño Pequeno, Muíño de Lixó, Muíño da Sorralleira, Muíño Tellado, Muíño Caixón e Muíño de Baixo). Algúns destes muíños aínda funcionan, grazas aos traballos de conservación dos veciños. Presas, fervenzas, pequenos encoros, canles de pedra dos muíños e algún remanso para o baño, fan deste percorrido un lugar único na aldea de Teaio.