Porto de Bexo

Cabodeiras, O Bico e O Redondo forman parte do Porto de Bexo. Manuel Lorenzo Baleirón, no seu libro “Toponimia de Dodro e de Laíño. Os nomes na auga”, escribe desta lugar: “Foi Bexo terra de mariñeiros e en Cabodeiras era onde se amarraban os galeóns e as dornas. O Redondo é onde o río no seu transcurso vira cara a Insua de Bexo para morrer no mar. O Bico, na braña de Bexo está na punta de terra na que remata o longo arco que describe o Ulla desde O Redondo ata onde empeza A Insua. A pesar de que a erosión das augas foi desgastando o terreo, vese aínda o bico no mapa topográfico ou na fotografía aérea. O Bicaño, na propia Insua, debe ter a mesma etimoloxía.”