Finca do Cadaví

Finca coñecida como O Cadaví ou Cadavid, na que se localizan dúas edificacións principais, que segundo os “límites oficiais da Xunta de Galicia”, unha emprázase no termo municipal de Dodro e outra no de Padrón. Foi mandada construír por José Pérez Artime, empresario radicado en Padrón que pasaba os veráns nesta parcela de sete hectáreas. Está ao lado da Finca O Carballal, que fora propiedade do seu irmán Isidoro.

A edificación principal trátase dunha edificación de tres andares, con galerías e soportais, que incluso contaba cunha sala de billar. Hai tamén unha casa de labranza, bastante peor conservada, construída en pedra con estrutura de baixo e un andar, a partir de muros de cachotaría lucida con morteiro e pintada de cor clara. Cuberta a dúas augas con acabado de tella camba sobre armazón de madeira. Acaroada á súa fachada sur, escaleira de pedra que desembarca nunha balconada.

Nuna peneda da finca consérvase un gravado cruciforme.