Instalacións náuticas

Nave que pertencía ao complexo industrial de Cedonosa e que destaca por dispoñer cubertas individuais sobre cada un dos seus tres volumes, ofrecendo un aspecto de orixinal cuberta quebrada. A nave central presenta unha cubrición en forma de arco de medio punto proxectado, que cambia en cuberta a dúas augas convencional na contrafachada. O alzado principal sitúa un portalón de acceso gorecido baixo un arco escarzano que, na contrafachada, convértese nun arco de medio punto. Na metade superior dos volumes, óculos elevados, sendo o central labrado en granito.

Conta cunha cheminea da antiga fábrica de tella, construída en ladrillo de aproximadamente 15 metros de alto e de forma cónica. Na base, onde hai un oco, vai decorada cunha fiada de azulexos e algunhas pezas de ladrillos saíntes, formando pequenas cornixas e debuxos de triángulo.