Telleira de María Antonia

Telleira hoxe desaparecida que se localizaba no lugar das Telleiras, fronte ao Cruceiro da Gabeira Pequena, nos terreos que hoxe ocupan as naves de Productos Ulla.

Pouco se sabe da historia desta telleira, agás que foi traballada polos Fariña: Manuel Fariña Tojo e os seus fillos Antonio e Manuel Fariña Moldes, xunto con outros telleiros, todos procedentes de Dena. Traballaron primeiro en Dena como telleiros e logo na Telleira das Rañas, para vir despois a esta. A telleira era propiedade de “Os Boullosa”, que residían na Baiuca e a arrendaron aos Fariña. Foi destruída cando levantaron a fábrica de ladrillo Productos Ulla.

O barro viña de Dena, transportado en barcos, mais descoñécese se era mesturado tamén con barro local.

Non quedan restos do forno.