Muíño do Cancelo

Muíño situado no lugar coñecido como O Cancelo, pódese acceder a el facilmente desde o Muíño do Vello, que conta con pasal sobre o río. Este exemplar pertence á modalidade de rego ou canle e presenta medianas dimensións. Localízase a medio camiño entre San Salvador e a Ermida de San Cibrán, ao pé do río do mesmo nome. Dunha única moa e en mal estado de conservación, é propiedade dun grupo de veciños dos lugares próximos.