Muíño do Vello

Muíño situado no lugar coñecido como Portolobo de Arriba, conta cun pasal de pedra que permite acceder a el desde San Salvador. Este exemplar pertence á modalidade de rego ou canle e presenta medianas dimensións. Localízase a medio camiño entre a aldea de San Salvador e a Ernida de San Cibrán, ao pé do río do mesmo nome. Dunha única moa e en mal estado de conservación, é propiedade dun grupo de veciños dos lugares próximos.