Petróglifo dos Campiños

Os gravados localízanse sobre dúas superficies lixeiramente inclinadas que forman parte dun mesmo afloramento, aínda que presentan entre eles unha diferenza de cota de case dous 2 metros de altura.

- Rocha 1: dous pequenos cuadrúpedes incompletos dispostos un a continuación do outro.

- Rocha 2: dúas combinacións incompletas de dous círculos concéntricos, con sete cazoletas dentro do círculo interno, tres círculos simples, dous completos con cazoleta central, e o outro incompleto, con nove cazoletas no interior. E cinco cazoletas illadas.