Petróglifo da Xesteira

Os gravados localízanse sobre a superficie lixeiramente inclinada do afloramento, e consisten na súa totalidade en motivos de temática xeométrica, apreciándose unha combinación circular, formada por catro círculos concéntricos, o máis interior rebaixado. Do interior da combinación parte un apéndice radial que conforma un espazo alongado no exterior da combinación; no interior deste espazo hai doce cazoletas e dous círculos concéntricos, o máis interior rebaixado. Este gravado está afectado por dous desplacamentos da rocha totalmente desprendidos, se ben aínda se conservan na súa posición.

A pouca distancia desta combinación circular hai un círculo simple cun pequeno apéndice, no interior do cal hai oito cazoletas.