Petróglifo da Redondiña

Os gravados localízanse sobre tres rochas pertencentes a un gran afloramento granítico, moi fragmentado, situado nun pequeno rechán da ladeira.

Todos os gravados localizados son de carácter xeométrico:

- Rocha 1: unha combinación circular formada por dous círculos concéntricos, con oito cazoletas dentro do círculo interno, desde o que sae un apéndice radial, así como sete cazoletas illadas, unha das cales tamén ten un apéndice.

- Rocha 2: dúas combinacións circulares formadas por catro círculos concéntricos e apéndice radial; tres círculos simples, dous dos cales teñen cazoleta central, e cinco pequenas cazoletas illadas.

- Rocha 3: cinco pequenas cazoletas illadas.