Porto da Punta Rebateira

Estrutura pétrea de forma cuadrangular, realizada con pedras de gran tamaño de formas irregulares, no lugar de Punta Rebateira. Era aquí onde paraban os barcos para cargar pedra procedente da canteira que se atopaba nas proximidades (ao norte do porto).

O porto aínda conserva a meirande parte da súa estrutura, mais a súa parte superior xa foi ocupada pola vexetación. No seu lado norte existe unha pequena praia de area branca e fina. Na actualidade aínda se aprecian restos de marcas de cuñas nalgunhas pedras localizadas na contorna.