Palco da música de Setecoros

Situado no campo da festa, acaroado á antiga Escola de Setecoros, actual centro sociocultural da parroquia. De base rectangular, todo o palco está construído en ladrillo, enfuscado e pintado coas cores branca e verde. Pola fronte do palco accédese á base inferior, que era utilizada como almacén e local social.

Aquí era onde actuaban as orquestras durante as festas na honra do Divino Salvador e San Caetano, aínda que desde fai anos xa non ten uso.