Cruceiro de Ponte Valga

Elaborado en pedra de cantaría, está localizado ao carón da Capela da Virxe de Lourdes. Foi realizado polos alumnos da Escola de Artes e Oficios de Santiago Baseamento de planta cadrada formado por dúas gradas. Pedestal de feitío cubicoide formado a base de dúas faixas planas enmarcadas por tres molduras aboceladas. Varal de base cuadrangular e arestas rebaixadas. Presenta un corpo octogonal ornado cunha pequena peaña que soportaba un santiño que foi roubado. O capitel presenta un feitío troncopiramidal invertido clásico, con colariño na base. Nas arestas presenta unha folla de acanto e unha voluta no cumio, e nos planos centrais unha cabeza de anxo. A cruz latina é de sección cilíndrica e posúe unha cartela no seu tope frontal. No anverso preséntasenos o tema da Crucifixión. No reverso podemos contemplar a Virxe dasa Dores..