Cruceiro da Igrexa Vella - Valga - Santa Comba de Cordeiro — Imaxe: Concello de Valga

Tipoloxía: Elementos relixiosos
Cronoloxía: Século XVIII
Lugar: Beiro
Parroquia: Santa Comba de Cordeiro
Concello: Valga

Foi ergueito para manter o recordo do antigo templo como sinal de que se atopa nun lugar consagrado, coñecido como a Igrexa Vella. Carece de baseamento. Pedestal de feitío cúbico sen inscricións aparentes. O varal é de sección cuadrangular en arranque e remate, aínda que amosa un desenrolo de perfil oitavado por rebaixe das arestas. Carece de capitel, estando xunguida a cruz ao cumio do varal. A cruz ten base de planta rectangular e desenrolo oitavado. O anverso mostra unha Crucifixión e o reverso é liso.

Galería de imaxes Álbum de fotos externo

Referencias

PXOM de Ordenación Municipal do Concello de Valga, aprobado o 15 de outubro do 2010 pola Consellería de Medio Ambiente, Territorio e Infraestruturas

Cruceiros de Galicia

Protección

PXOM de Ordenación Municipal do Concello de Valga (AR-226)

Rexistro de Bens de Interese Cultural (BIC)

Inventario Xeral do Patrimonio Cultural de Galicia

Decreto 571/1963, de 14 de marzo, sobre protección de los escudos, emblemas, piedras heráldicas, rollos de justicia, cruces de término y piezas similares de interés histórico-artístico