Muíño de Lamas

Na ribeira oeste do río Valga, trátase dun muíño de planta rectangular construído en cachotaría granítica, coas xuntas unidas con cemento. Á planta orixinal do edificio en pedra, foille engadida posteriormente un anteporche lateral de ladrillo con pousadoiro e un sobretellado avanzado a xeito de tomachuvias. A porta, con cruz gravada na padieira esquerda, está composta por unha folla de madeira. A parede da canle amosa un pequeno fachinelo. O interior dispón dun tabique baixo transversal corrido. Presenta tellado a dúas augas, parcialmente derrubado, coa cuberta en tella do país.