Escudo de Don Pedro de Antelo

A casa orixinal, e o escudo, pertencían a Don Pedro de Antelo. A casa tiña unha capela, de feito pola microtoponia usada pola xente maior de Balleas, alí ao lado aínda se lle chama Tras da Capela, facendo referencia á desaparecida capela. Cando se derruíu conservouse o escudo. Don Pedro de Antelo ademais de casa grande, capela, escudo... tiña moitas terras, razón pola que no lugar aínda se manteñen nomes como A Horta de Antelo.

Segundo o Expediente de comprobación de bienes, rentas y cargas de la feligresía de Santa Columba de Louro (Cordeiro, Santiago), efectuado por decreto de diciembre de 1760 para el establecimiento de la Única Contribución, en 1760-61 vivía o fidalgo Juan Martínez de Antelo, co seu fillo Ramón Martínez de Antelo que era tenente de Milicias do Reximento de Santiago e tiña 26 anos. Nesta época Juan Martínez de Antelo xa estaba viúvo e tiña dúas criadas e un criado.