Petróglifo do Alto da Porteliña

Xacemento xa catalogado nos estudos previos da concentración parcelaria na parroquia de San Miguel de Valga no 2004, mais non localizado na actualidade.

No informe do 2004 describe “soporte: afloramento granítico orientado cara ó O cunhas dimensións de eixo N-S 2,5 m. E eixo L-O 1,8 m. Motivo: círculo simple con coviña central. O círculo ten unhas dimensións de 7 cm. e a coviña de 2 cm. E ambos unha profundidade mínima xa que aparece moi erosionado. Ten un dominio visual do arco SL-O”.