Hórreo do Vilar

Conxunto de catro hórreos situados a ambos lados dun camiño interior do lugar do Vilar. Estrutura de cantaría de granito e entrepanos de madeira, en tres dos hórreos, apoiados sobre muros transversais baixo un tornarratos continuo de lousas. Penais de granito con ocos de ventilación e cuberta a dúas augas de tella ou fibrocemento con sobrepenas de granito, coroadas por cruces e lampións, e pináculos de menores dimensións nos extremos laterais. Portas de acceso orientadas ao oeste. O outro hórreo, é de características similares, mais coa cámara realizada integramente en cantaría de granito.