Campo das Graneiras (6 hórreos)

No lugar de Meiquiz atópase un peculiar terreo común destinado exclusivamente á localización de hórreos, o Campo das Graneiras. Conxunto de seis hórreos (chegaron a ser nove) nunha parcela de grandes dimensións situada no centro do lugar de Meiquiz.

Hórreo principal de cantaría de granito sobre celeiro de muros de cachotería e tornarratos perimetral. Cuberta a dúas augas de tella con cruz e lampión nas sobrepenas. O resto dos hórreos son de menores dimensións, apoiados sobre muros transversais ou pés con tornarratos semicirculares. Estrutura mixta de cantaría e entrepanos de madeira nos hórreos máis próximos ao camiño.