Cruceiro de Barreira

Cruceiro de granito situado no cruce central de Pastoriza, na marxe leste do camiño principal, da tipoloxía de crucifixo.

Cruceiro que nace sobre tres chanzos de sección cadrada. A súa base cúbica coas arestas rebaixadas dá paso a un varal que comeza en sección cadrada e segue en cilíndrica. Na súa metade aparece un relevo algo erosionado coa imaxe dun santo. O capitel, moldurado e con volutas, soporta unha cruz de sección de sección cadrada e remates florenzados. Nela aparecen as imaxes de Cristo crucificado baixo cartela de INRI no anverso, e a Virxe no reverso.