Cruceiro das Brañas

Cruceiro de granito situado na marxe oeste da estrada de Fachán, no cruce do camiño á Senra, da tipoloxía de crucifixo.

Plataforma con dous chanzos cadrados e base cúbica moldurada na que aparece a seguinte inscrición: “MANUEL NOVO Y SU FAMILIA RECONSTRUIDO AÑO MCMLVI”. O varal, de sección cadrada con acanaladura central, dá paso a un capitel decorado con rostros de querubíns nas súas catro caras. A cruz, de recente factura, é de tipo latina e nela aparecen as imaxes de Cristo crucificado no anverso, e a Virxe sobre unha peaña no reverso.