Cruceiro das Barreiras

Cruceiro de granito situado á beira do camiño principal do Burato, da tipoloxía de crucifixo.

Plataforma de dous chanzos e base cadrada con toro e escocias, sobre a que se ergue un fuste de sección octogonal con decoración no extremo inferior e imaxe central, que remata en forma circular. Capitel troncopiramidal inverso decorado con formas vexetais e cruz de sección circular e aspecto leñoso, coa representación dun cristo no anverso e dunha virxe no reverso. Pequena capela de recente construción situada xunto ao cruceiro.