Serradoiro de José Ribeiro

Antigo serradoiro situado á beira do río Ulla, a uns 230 metros da Telleira de Quintáns, tamén na ribeira do Ulla. O conxunto está formado dúas construcións independentes dispostas en L. Edificación principal de planta irregular resultado da agrupación de varios volumes, resolta con estrutura de formigón e cerramento de bloque, coa cuberta a dúas augas de fibrocemento. A segunda construción é de planta rectangular con cuberta a dúas augas de tella e estrutura de madeira, que se prolonga na fachada norte apoiada sobre pilastras de granito.

O serradoiro de José Ribeiro emprazábase na parroquia de Isorna, mentres que do outro lado do río Ulla, na parroquia de Oeste (Catoira), estaba Serrerías Industriales de Catoira.