Lavadoiro de Rial

Lavadoiro localizado sobre a marxe norte da estrada de Rial, no acceso principal ao núcleo, ao lado dun espazo verde. Está situado a un nivel inferior con respecto á estrada, desde a cal se accede mediante unha escaleira lateral. Planta rectangular con lousa inclinada nun dos seus lados. A auga provén directamente do rego de Rial, a través dunha canle que o atravesa e abastece ao Muíño de Lodeiros, situado ao outro lado da estrada xunto á Ponte de Rial.