Fonte e lavadoiro de Rial

Conxunto de fonte e lavadoiro situados no centro do lugar de Rial, á beira dun camiño paralelo á estrada principal. Ten acceso, desde un rueiro perpendicular, mediante unhas escaleiras de recente construción. Fonte de grandes dimensións, realizada en cantaría de granito, con fronte de cantaría e arco de medio punto superior sobre semipilastras, franqueado por dúas estatuas sobre a cornixa e inscrición central. Pía rectangular á que verten os dous canos. Lavadoiro de planta rectangular de granito, con pedras de lavar en dous dos seus lados e canle nun lateral.