Fonte e lavadoiro de Ourolo

Conxunto de fonte e lavadoiro situado na marxe leste da estrada principal de Ourolo, ao paso dun rego que atravesa a estrada e fornece de auga ao Muíño de Ourolo.

O lavadoiro é de planta rectangular con lousas inclinadas en tres dos seus lados, con cuberta a catro augas de tella sobre estrutura de madeira apoiada en pilastras de granito.

A fonte situada nun extremo, formada por un corpo rectangular de cantaría de granito e unha peza superior de remate en arco de medio punto. Os dous canos, verten directamente ao lavadoiro.