Fonte e lavadoiro da Igrexa

Conxunto de fonte e lavadoiro situado detrás da Igrexa de Santa María de Leiro. Espazo delimitado polos muros de peche das fincas, de cachotaría de granito, ao que se accede a través do camiño que bordea o adro da igrexa. Fonte de dous canos composta por un volume prismático de cantaría e pía rectangular de grandes dimensións da que parte a canle ao lavadoiro. Lavadoiro situado ao fondo, a un nivel inferior, resolto con grandes pezas de cantaría.