Fonte de Meiquiz

Fonte dun só cano situada no cruce do extremo norte do lugar de Meiquiz, xunto ao rego de Rial e a un espazo verde. A auga que chega a esta fonte nace nun lugar ao que lle chaman río Mouros. Está situada a un nivel inferior, con acceso desde a rúa mediante tres chanzos de granito. Corpo principal dunha peza rectangular de cantaría empotrada nun muro de cachotaría, e pía cadrada delimitada por dúas lousas laterais.