Fonte de Fonteíña

Fonte de pedra localizada ao fondo do lugar de Fonteíña, situada a un nivel inferior con respecto á rúa, delimitada por muros de granito e á que se accede por unha escaleira lateral. Está composta por un volume prismático dunha peza de cantaría e un corpo de remate en arco de medio punto. Cano central metálico que verte sobre unha pía rectangular a rentes do chan.