Fonte de Cons

Fonte situada sobre a marxe leste da estrada principal de Quintáns, á beira do regato que a atravesa, con acceso directo desde a estrada mediante tres chanzos de granito. Corpo central de cantaría de granito, composto por un volume prismático inferior onde se sitúa o cano e un volume de remate en arco de medio punto. Pía rectangular a rentes do chan, delimitada por lousas de granito, e un pequeno mesado semicircular nun lateral.