Casas da Vacariza

Conxunto de vivendas e edificacións auxiliares dispostas linearmente a ambos lados da estrada principal do lugar. Destacan os muros de peche das fincas, de grandes dimensións, realizados en cachotaría de pedra con portóns alintelados de acceso. Conxunto parcialmente rehabilitado. Volumes de planta rectangular de dous andares nas vivendas e de planta baixa nos anexos, resoltos con muros de cachotaría e cantaría vistas e cuberta a dúas augas de tella. Fachadas de composición sinxela, de ocos rectangulares con carpintería de madeira e accesos nas plantas baixas.

Cóntase que o camiño que atravesa A Vacariza foi o primeiro camiño empedrado de todo o Concello de Rianxo.