Casa Adelaida

Edificación do casco histórico de Rianxo, de planta rectangular e dous andares, do século XVIII.

O volume orixinal que ocupaba a esquina completa da cuarteirón, foi dividido posteriormente en dúas vivendas, unha con fachada á rúa da Praciña, e outra á Ribeira. Está resolta con muros de cantaría de granito e cuberta amansardada de tella, que substitúe á orixinal, común ás dúas vivendas. Fachada principal con acceso en planta baixa mediante portón alintelado de madeira baixo o escudo da familia. Fiestras de dúas follas de carpintería de aluminio, de ocos de sección cadrada en planta baixa e rectangular no piso superior. Fachada lateral cun só oco central no segundo andar. Cornixa perimetral de granito moldurada.