Mámoa Nº 3 do Monte Picoto

Conxunto de dez túmulos sitos en Burés, que constitúen a Necrópole do Monte Picoto. Están na divisoria entre os concellos de Dodro e Rianxo, e a uns centos de metros ao oeste das catro mámoas da Necrópole da Paradegua, sitas en Bexo (Dodro).

Este túmulo de pequenas dimensións e baleirado no seu interior, aínda que se poden apreciar algúns ortostatos, posiblemente da cámara. Mide 16,20 metros no eixo NO-SL e 15,90 metros no NL-SO. Ten unha altura de 0,80 metros. Presenta burato de violación central de 3,30 metros (N-S) e 2,70 metros (L-O), e ten unha profundidade de 1,20 metros.