Fonte da Igrexa Parroquial de Pontecesures

Fonte localizada na Praza da Plazuela, elaborada con pedra granítica, cano metálico e cuncha en relevo gravada na pedra. Construída na mesma data que a igrexa, no muro das escaleiras que dan acceso á Igrexa Parroquial de Pontecesures. Orixinariamente atopábase no centro da praza. Tiña forma hexagonal e estaba feita en pedra. O piar central do que manaba a auga, estaba rematado en forma de cruz, nos brazos laterais había dous farois e no superior unha copa de bronce cunha planta. No ano 1961 a praza e o atrio da igrexa foron remodelados e a fonte cambiouse á localización actual.