Paso de barcas de Herbón

Antes da construción da Ponte da Barca, que uniría a totalidade da parroquia de Santa María de Herbón, o medio máis rápido para cruzar o río Ulla desde a aldea da Barca até o resto da parroquia de Herbón era o uso de barcas guiadas cunha corda (maroma). Nas beiras do río aínda se conservan algunhas das pedras (turros) que se usaban como amarre e guía destas cordas.

Este método usábase para o transporte de persoas, mercadorías e incluso para levar aos mortos das aldeas do lado sur da parroquia (Cortiñas, A Barca, A Rocha, Morono, Confurco, Os Condes...) até ao cemiterio de Herbón.

Existían outros pasos con barca para cruzar o río Ulla en Vedra, Teo ou Bandín (Carcacía - Padrón).